جنوب سينا فى خطر

عانى ابناء محافظةجنوب سيناء من ظلم و فقر منذ عهد ثلاث محافظين سابقينن و هم اللواء مصطفى عفيفى و اللواء محمد هانى متولى و المحافظ الحالى اللواء محمد عبد الفضيل شوشه .
*بدايه باللواء مصطفى عفيفى :-
اهالى جنوب سيناء كانو يكرهون سيادة اللواء مصطفى عفيفى لانه اول محافظ باع جنوب سينا اعنى باع شرم الشيخ للمستثمرين من خارج البلد و نسى اهل البلد الاصليين و المقيمين فيها حيث انه اذا دخل له اى شخص من اهل البلد باى طلب كان يرفضه و فى نفس الوقت لو دخل له اى مستثمر بطلب مشابه فتتم الموافقه عليه فى الحال فى عهد مصطفى عفيفى الشباب مكنتش لقيه تشتغل خالص و الفرص الوحيده الى كانت بتنزل هى الشغل بعقود فى الجهات الحكوميه بمرتبات متاكلش عيش يعنى تقريبا من 250: 300 جنيه فى الشهر حاليا مفيش حد فى جنوب سينا من اهل البلد حابب يسمع سيرتو حتى غير طبعا المستثمرين حبايبو الى كان مروق عليهم فى حاجه تانيه فى قطعة ارض فى شرم الشيخ كانت مخصصه من المحافظه لعمل قريه الومبيه بمستوى عالى جدا ايام ما كانت مصر هتستضيف كاس العالم و طبعا الموضوع اترفض بعد ما الموضوع اترفض قطعة الارض دى اتخصصت للحبايب الى هما الكبار فى المحافظه.
*ثانيا اللواء محمد هانى متولى :-
سيادة اللواء مشكلتو الوحيده انو كان بيسمع لرجالتو مكنش ليه كلمه فى البلد رجالتو يقولولو الشخص دا حرامى مثلا يبقى هو فعلا حرامى مكنش بيتاكد بنفسو فترتب عليه ظلم ناس كتير فى المحافظه و غير كده كان بيسمع لرجالتو فى اخذ قرارات البلديعنى محافظ بالاسم و بردو مفيش حد فى البلد من سكانها بيطيق يسمع اسمو .
*ثالثا اللواء محمد عبد الفضيل شوشه المحافظ الحالى :-
اللواء محمد عبد الفضيل سلبى جدا فى قراراته و المفروض ان الى يمسك بلد زى جنوب سينا يكون راجل شخصيتو جمده و قادر على اتخاذ القرار السليم و غير دا كلو بابو مش مفتوح لاهل البلد .
- و اذكر موقف مهم جدا حصل من تقريبا اسبوع كان فى مسابقه فى شركة الكهربا المفروض ان هى لاهالى البلد تم اعلان وجود المسابقه فى اخر يوم من تاريخ بداية المسابقه و طبعا كل الى راح يقدم فيها يقولولو التقديم اتقفل و المصيبه ان كل الى الى قدمو فى المسابقه من الاسماعليه مش من اهل البلد .
يوم الجمعه الموافق 24-6-2011 بعد صلاة الجمعه تم توزيع منشورات بعد الصلاه و نصها كالتالى كما ورد :-

فى المنشور :- الى كل مواطن مقيم على ارض جنوب سيناء
ندعوكم للانضمام الينا لوقفة سلمية امام مبنى ديوان عام المحافظة يوم الجمعة الموافق 24/6/2011 بعد صلاه الجمعة مطالبين بالاتى :-
اولا : رحيل رأس النظام الفاسد الرئيس المخلوع حسنى مبارك عن جنوب سيناء الذى تسبب وجوده فى تعطيل حركة السياحة .
ثانيا : رحيل محافظ جنوب سيناء محمد عبد الفضيل شوشة واتباعة لاسباب... الاتية واهمها :-
1- السلبية فى اتخاذ القرارات .
2- ولائه ودفاعة عن الرئيس المخلوع ورجل الاعمال الهارب حسين سالم .
3- وجود مشاكل فى البنية الاساسية من صحة – امن – مياه – نظافة – انارة شوارع – الخ ...
4- استعانته برموز الحزب الوطنى الفاسد .
5- عدم استغلال موارد المحافظة الاستغلال الامثل
ثالثا : المطالبة بعدم مشاركة رموز واعضاء الحزب الوطنى فى اى نشاط سياسى بالمحافظة . نحن لسنا حزب او جماعة او ائتلاف او حتى جمعية اهلية ولكن نحن شباب نغار على سيناء
نحن لسنا مجرد مقلدون ولا نفترى على احد ولكن مطالبنا هى مطالب للصالح العام وليس لنا اى مطالب فئوية او مصالح شخصية ولكن سيناء تستحق الافضل وتذكر دائما ان من حرروا هذه الارض من ايد المستعمر هم ابنائها وعليك اليوم ان تحررها من الفساد
شاركوا معنا


هو دا كان نص المنشور و المطالب واضحه و صريحه الناس من يوم الجمعه لحد دلوقتى و هما مقيمين قدام مبنى المحافظه و مش هيمشو غير لما مطالبهم تتحقق .
فكلمه منر لرئيس مجلس الوزراء الدكتور عصام شرم لازم تشوف حل للناس دى عشان الناس كلها فى جنوب سينا تعبانه و حتى الى شغالين منهم فى شرم الشيخ الشغل واقف بسبب وجود الرئيس السابق بها فارجو النظر بعين الرافه لحال البلد و حال الناس الى بيتدهور كل يوم اكتر من التانى .
ملحوظه:- كل المحافظين الى بييجو جنوب سينا بييجو من الحرس الجمهورىبعد ميخلصو خدمتهم وو انا بعتبر خروجهم من الحرس الجمهورى لمحافظة جنوب سينا مكافئة نهاية خدمه .